Нова ера за хокејот на мраз официјално започна со лансирањето на Балканската хокеарска лига (BHL) – меѓународно натпреварување создадено со цел да го забрза развојот на овој спорт низ балканскиот регион, истовремено обезбедувајќи им на играчите, клубовите и навивачите врвна натпреварувачка платформа.
BHL е основана за да ги обедини клубовите од Југоисточна Европа, да го подигне стандардот на натпреварување, да ги прошири можностите за развој на играчите и да ја зајакне соработката меѓу националните хокеарски заедници.
Во првата сезона, 2026/27 година, ќе учествуваат три клуба-основачи:
- ХК Стадо Скопје (Македонија)
- ХК Спартак Суботица (Србија)
- НСА Софија (Бугарија)
Балканската хокеарска лига е посветена на обезбедување одржлива и финансиски одговорна натпреварувачка платформа за клубовите низ Југоисточна Европа. Ставајќи акцент на долгорочната стабилност, регионалната соработка и одговорното управување со оперативните трошоци, лигата има за цел да го зајакне развојот на хокејот во целиот регион. Истовремено создавајќи поголеми можности за спортистите, тренерите и клубовите.
„Балканската хокеарска лига претставува многу повеќе од само ново натпреварување. Таа е можност за обединување на хокеарските заедници низ Југоисточна Европа, создавајќи развојни можности за играчите и тренерите, а што е уште поважно – инспирирајќи ја следната генерација хокеари во целиот регион. Нашата цел е да изградиме одржлива лига која ќе продолжи да расте уште многу години“, – Ник Дилиси, коосновач на БХЛ.
„Горди сме и возбудени што ѝ се придружуваме на BHL и што сме дел од враќањето на сениорскиот хокеј во Суботица. Ова е повеќе од нова лига; ова е ново поглавје за хокејот во нашиот град, кое ги враќа интензитетот, страста и натпреварувачкиот дух што Суботица ги заслужува. Подготвени сме да го претставуваме нашиот град, да се натпреваруваме на највисоко ниво и да помогнеме во изградбата на нешто посебно во рамките на BHL“, вели Урош Брестовац, главен тренер на ХК Спартак Суботица.
„Според мене, оваа Балканска лига ќе биде почеток на квалитетен, натпреварувачки хокеј, кој ќе им помогне на балканските клубови да напредуваат и да го подигнат нивото на игра. Мојот тим со нетрпение очекува нови можности за настап во странство и за одмерување на силите со нови играчи“, вели Светлин Стоев, главен тренер на НСА Софија.
Организаторите на лигата очекуваат нејзино проширување во иднина, бидејќи дополнителни клубови од целиот Балкан пројавуваат интерес за вклучување во натпреварувањето.
Дополнителни информации во врска со распоредот на лигата и форматот на натпреварување ќе бидат објавени во текот на наредните недели. Се покануваат навивачите да ја следат лигата на Instagram, на профилот @BalkanHockey League, за да бидат во тек со најновите детали.
